184. ഇന്നുമെന്നും സ്തുതിഗീതം പാടി
രീതി: എന്തനുള്ളം പുതുകവിയാലെ
1 ഇന്നുമെന്നും സ്തുതിഗീതം പാടി
ഞാനെന്‍ യേശുവെ വാഴ്ത്തിടുമേ
തിരുനാമം സൗരഭ്യം തൂകുന്ന തൈലം
തരുമെനിക്കാനന്ദം
ആനന്ദമായ് പരമാനന്ദമായ് സ്തുതി
ഗാനങ്ങള്‍ പാടി പുകഴ്ത്തിടും ഞാന്‍
വന്‍കൃപയാലെന്നെ എന്നും പുലര്‍ത്തുന്ന
നാഥനെ വാഴ്ത്തിടും ഞാന്‍
2 ചിലനേരം തിരുകരത്താല്‍ താന്‍
ബാല ശിക്ഷകള്‍ തന്നിടിലും
തക്കനേരം തങ്കകൈകളിലേന്തി
സാന്ത്വനപ്പെടുത്തും താന്‍-
3 മരുവാസം തരുമൊരു ക്ലേശം
എത്ര കഠിനമായ് വന്നാലും
തിരുനെഞ്ചില്‍ ചാരും വേളയിലെന്‍ മന-
ക്ലേശമകന്നിടുമെ-
4 അതിവേഗം മമ പ്രിയന്‍ വന്നു
വിണ്ണില്‍ ചേര്‍ത്തിടും നിര്‍ണ്ണയമായ്
പിന്നെയെന്നും പിരിയാതാനന്ദത്തോടെ
മരുവും തന്നന്തികേ ഞാന്‍- G.P
Download pdf