130. ഹൃദയമുരുകിവരും മിഴിനീര്‍
ഹൃദയമുരുകിവരും മിഴിനീര്‍മണികള്‍
അര്‍ച്ചനയായ് തിരുസവിധേ-ദേവാ!
അര്‍പ്പണം ചെയ്തിടുന്നു
1 കരകാണാതെ വഴിയറിയാതെ
കരയുന്ന നേരത്തെന്‍ ചാരേ വന്നു
കരുണയോടേകി നിന്‍ കരലാളനങ്ങള്‍
കരുതിയതാല്‍ കാവല്‍ ചെയ്തതിനാല്‍
2 നിരാശ തന്നില്‍ നെടുവീര്‍പ്പുകളില്‍
നിരാലംബനായ് ഞാനലയും നേരം
നിര്‍വൃതി നല്‍കി നിന്‍ മൃദുമൊഴിയാല്‍
നിന്നരികില്‍ എന്നെ ചേര്‍ത്തതിനാല്‍
3 ക്രൂശിലെ സ്നേഹത്തിനാഴങ്ങളില്‍
ആശ്വാസമരുളി നീ നിത്യമായി
ചങ്കിലെച്ചോരയാല്‍ പങ്കം കഴുകിയെന്‍
സങ്കടവും സര്‍വ്വം തീര്‍ത്തതിനാല്‍- A.J
Download pdf