1221. ഇന്നും രാവിലെ വന്നു ഞാന്‍ തിരു
1 ഇന്നും രാവിലെ വന്നു ഞാന്‍ തിരുസന്നിധി തന്നില്‍ നായകാ!
എന്നും നീ തന്നേയെന്നെ കാവല്‍ ചെയ്യുന്ന വന്‍പരിപാലകന്‍!
2 പോയ രാത്രിയില്‍ ഞാന്‍ സമാധാനത്തോടുറങ്ങുവാന്‍ നിന്‍കൃപ
നായകാ! നീ ചൊരിഞ്ഞതാല്‍ സ്തുതിഗാനങ്ങള്‍ പാടിടുന്നിതാ!
3 രാവകന്നൊളി വീശി ഭൂതലം ശോഭിതമായിടുന്നിതാ!
മാമകാന്ധത മാറുവാന്‍ തവ കാന്തി വന്നതോര്‍ക്കുന്നിതാ-
4 ഇന്നലേമിന്നുമെന്നും നീയെനിക്കന്യനല്ലതു മൂലമായ്
മുന്നിലായ് നിന്നെ കാണുന്നെത്രയോ ധന്യമായ് മമ ജീവിതം!
5 വന്നിടും പുലര്‍കാലമൊന്നിനിയെന്നു കാത്തിരിക്കുന്നു ഞാന്‍
മന്നിടം തവ പൊന്മുഖം മൂലം മിന്നിടും നീതിസൂര്യനേ!-
Download pdf