1238. ഇന്നു പകല്‍ വിനയോരോന്നായ്
രീതി:എന്തതിശയമേ ദൈവത്തിന്‍
1 ഇന്നു പകല്‍ വിനയോരോന്നായ് വന്നെന്നാല്‍
കര്‍ത്തനെ നിന്‍ ചിറകിന്‍-കീഴില്‍
ഭദ്രമായ് ശരണം നല്‍കിയതോര്‍ത്തു ഞാന്‍ വന്ദിക്കുന്നാദരവായ്-
2 ശത്രുവിന്നസ്ത്രം പറക്കും പകലിലും രാവിന്‍ ഭയങ്ങളിലും-ഘോര
മാരിയോ പീഡയോ ലേശമേഴാതെന്നെ പാലിച്ചെന്തത്ഭുതമായ്!-
3 കണ്ണീരിലാണ്ടു വലഞ്ഞു നിരാശയില്‍ ലോകര്‍ ഞരങ്ങിടുമ്പോള്‍-ദേവാ
എത്രയും മോദമായ് പാടുവാന്‍ നീ തന്നു ഭാഗ്യമീ സാധുവിന്നു-
4 ഘോരമാം കൂരിരുളേറുന്നു പാരിതില്‍ നാഥനേ! നീ വെളിച്ചം-തൂകും
പൊന്‍പ്രഭാതം വരും വേളവരെ നിന്നില്‍ വിശ്രാമം തന്നിടേണം-
Download pdf