1167. ഹേ!ഹ! പ്രിയ സ്നേഹിതാ
ഹേ!ഹ! പ്രിയ സ്നേഹിതാ സോദരാ! സാദരം ശ്രുണുമേ വചനം
ഹാലാഹലതുല്യമായ മായ നമ്മെ ഹന്ത നരകത്തില്‍ തള്ളിക്കളയുമേ
1 പാരില്‍ പാപമില്ലാത്ത പുരുഷരില്ലായ്കയാല്‍
നേരായ് മരണം നമ്മില്‍ ഘോരമായ് വരികയാല്‍
പാപം പെരുകും കൃപാധാരന്‍ നീതിയെ സുത
സാരമേധത്താല്‍ പരിപൂരണം ചെയ്തു നാഥന്‍-
2 വേദസ്വരൂപന്‍ മഹാവേദനപരനായി മോദമധുമധുരസ്വേദനമൃതനായി
പാതകം തീര്‍ത്തു നമ്മെ നീതികരിപ്പാനുയിര്‍-
ത്താദിഗുരുവാം ക്രിസ്തുനാഥനെ ഭജിക്കെടോ-
3 പാവനമായ തന്‍റെ ഭവ്യശോണിതം തന്നാന്‍
പാപികളായ നമ്മെ പാലനം ചെയ്വതിന്നായ്
പാവനാത്മാവില്‍ നിന്ന് ബോധമുദിപ്പിക്കുന്ന
ഭാഗധേയമാം ഭക്തപലനെ ഭജിക്കെടോ-
4 പാപീ! അനുതപിക്ക പാപിയനുതപിക്ക
പാപിയനുതപിച്ചാല്‍ പാപമോചനം വരും
ഇത്യേവം പറയുന്ന മര്‍ത്ത്യനെ ദുഷിച്ചഘ
കൃത്യമായ മായയില്‍ മര്‍ത്ത്യാ നീ മുഴുകായ്ക-
5 ക്രിസ്തോ ജഗല്‍ഗുരോ ക്രിസ്തോ പരമഗുരോ
ക്രിസ്തോ വേദഗുരോ ക്രിസ്തോ വിജ്ഞാനഗുരോ
ക്രിസ്തോ ദൈവുപുത്രാ ക്രിസ്തോ മനുഷ്യപുത്രാ
ക്രിസ്തോ രക്ഷരക്ഷ മാം ഇത്യേവം സ്തുതിക്കെടോ-
Download pdf