Lyrics : K.V.C
രീതി: എന്തതിശയമേ ദൈവത്തിന്
ഇദ്ധരയിലെന്നെ ഇത്രമേല് സ്നേഹിപ്പാന്
എന്തുള്ളു ഞാനപ്പനേ!-നിന്റെ
ഉദ്ധാരണത്തെ ഓര്ത്തു ദിനംപ്രതി
സന്തോഷിക്കുന്നത്യന്തം
1 പുത്രന്റെ സ്നേഹത്തെ ക്രൂശിന്മേല് കാണുമ്പോള്
ശത്രുഭയം തീരുന്നു -എന്നെ
മിത്രമാക്കിടുവാന് കാണിച്ച നിന്കൃപ എത്ര മനോഹരമേ!-
2 ശത്രുവാമെന്നെ നിന്പുത്രനാക്കിടുവാന്
പുത്രനെ തന്നല്ലോ നീ - ദേവാ
ഇത്ര മഹാസ്നേഹം ഇദ്ധരയിലൊരു മര്ത്യനുമില്ല ദൃഢം-
3 നീചനരനാമീയേഴയെ സ്നേഹിച്ചീ
നീചലോകത്തില് വന്നു - യേശു
നീച മരണം മരിപ്പതിന്നായ് തന്നെ നീചന്മാര്ക്കേല്പ്പിച്ചല്ലോ-
4 കൂട്ടം വെറുത്തു കുലവും വെറുത്തെന്നെ
കൂട്ടുകാരും വെറുത്തു - എന്നാല്
കൂട്ടായിത്തീര്ന്നെന്റെ സ്വര്ഗ്ഗീയസ്നേഹിതന്
കഷ്ടകാലത്തും വിടാ-
5 മാതാപിതാക്കന്മാരെന്നെ വെടിഞ്ഞാലും
സന്താപമില്ലെനിക്കു - എന്റെ
മാതാപിതാവെക്കാള് അന്പു തിങ്ങിടുന്നോ
രേശുവുണ്ട് എനിക്കു-
6 മുമ്പിലും പിമ്പിലും കാവലായ് നിന്നു നീ
മുമ്പില് നടക്കേണമേ - നിന്റെ
ഇമ്പമുള്ള രാജ്യേ വന്നു ചേരും വരെ
അമ്പോടു കാക്കേണമേ-
![](images/PDF.gif)
Download pdf