Lyrics : T.K.S.1 ഇത്രനല്ലവന് മമ ശ്രീയേശു
ക്രിസ്തുനാഥനെന്നിയെയാരുള്ളൂ?
മിത്രമാണെനിക്കവനെന്നാളും
എത്ര താഴ്ചകള് ഭൂവി വന്നാലും
അതിമോദം നാഥനു പാടിടും
സ്തുതിഗീതം നാവിലുയര്ന്നിടും
ഇത്രനല്ലവന് മമ ശ്രീയേശു
ക്രിസ്തുനാഥനെന്നിയെയാരുള്ളൂ?
2 അവനുന്നതന് ബഹുവന്ദിതനാം
പതിനായിരങ്ങളില് സുന്ദരനാം
ഭൂവി വന്നു വൈരിയെവെന്നവനാം
എനിക്കാത്മരക്ഷയെ തന്നവനാം
3 ഒരുനാളും കൈവിടുകില്ലെന്നെ
തിരുമാര്വ്വെനിക്കഭയം തന്നെ
വരുമാകുലങ്ങളിലും നന്നെ
തരുമാശ്രയം തകരാറെന്യേ-
4 പ്രതികൂലമാണെനിക്കീ ലോകം
അതിനാലൊരെള്ളളവും ശോകം
കലരേണ്ടെനിക്കവനനുകൂലം
ബലമുണ്ടു യാത്രയിലതുമൂലം-
5 സത്യസാക്ഷിയായ പ്രവാചകനും
മഹാശ്രേഷ്ഠനായ പുരോഹിതനും
നിത്യരാജ്യസ്ഥാപകന് രാജാവും
എന്റെ ക്രിസ്തുനായകന് ഹല്ലേലുയ്യാ- T.K.S.
![](images/PDF.gif)
Download pdf