1155. ഇതുപോല്‍ നല്ലൊരു രക്ഷകന്‍ ശ്രീ
ഇതുപോല്‍ നല്ലൊരു രക്ഷകന്‍ ശ്രീയേശുവല്ലാ-
തില്ല മന്നിലും വിണ്ണിലുമേ
1 പാപികളാകും മാനവര്‍ക്കായ് പരലോകം വിട്ടു ധരയില്‍ വന്നു
പരിശുദ്ധന്‍ ക്രൂശില്‍ നിണം ചൊരിഞ്ഞു
പാപിക്കു മോക്ഷത്തിന്‍ വഴി തുറന്നു-
2 മരണത്തിന്‍ ഭീതി പൂണ്ടിനിയും ശരണമറ്റാരും വലഞ്ഞിടാതെ
മരണം സഹിച്ചു ജയം വരിച്ച പരമരക്ഷകനിലാശ്രയിക്ക-
3 സത്യമായ് തന്നില്‍ വിശ്വസിച്ചാല്‍ നിത്യശിക്ഷാവിധി നീങ്ങിടുമേ
രക്ഷകനെയിന്നു തിരസ്കരിച്ചാല്‍ രക്ഷയ്ക്കായ് വേറില്ല വഴിയുലകില്‍-
4 മുള്‍മൂടി നല്‍കി നിന്ദിച്ചയീ മന്നിതില്‍ മന്നനായ് വന്നിടുമേ
പൊന്മുടി ചൂടി വന്ദിതനായ് മന്നിടം നന്നായ് ഭരിച്ചിടും താന്‍- G.P
Download pdf