294. ഞാന്‍ പാപിയായിരുന്നെ-ന്നേശു
1 ഞാന്‍ പാപിയായിരുന്നെന്നേശു എന്നെ തേടി വന്നല്ലോ
എന്നുടെ പാപം വഹിച്ചവന്‍ കുരിശില്‍ തന്നുയിര്‍ തന്നല്ലോ-
എന്തത്ഭുതം ദൈവ സ്നേഹത്തിന്‍ ആഴം അറിവാനെളുതല്ല
സങ്കടത്തില്‍ താങ്ങി നടത്തും തന്‍കൃപ ചെറുതല്ല
2 രക്താംബരം പോല്‍ കടും ചുവപ്പായിരുന്നെന്നുടെ പാപങ്ങള്‍
കർത്താവതു ഹിമ സമമായ് മാറ്റി തന്‍പ്രിയ മകനാക്കി-
3 കാര്‍മേഘമുയരാമെന്നാല്‍ കര്‍ത്തന്‍ തള്ളുകയില്ലെന്നെ
കാണും ഞാനതിന്‍ നടുവില്‍ കൃപയെഴും തന്‍ മഴവില്ലൊന്ന്-
4 അത്യുന്നതന്‍ തന്‍മറവില്‍ വാസം ചെയ്തിടും ഞാനിന്ന്
അത്യാദരം ഞാന്‍ പാടുമെന്നാശയും കോട്ടയുമവനെന്ന്-
5 സീയോന്‍ ഗിരിയിലൊരിക്കലിനി ഞാന്‍ നില്‍ക്കും സാനന്ദം
കാണും പ്രിയനെ, സ്തുതിയിന്‍ പല്ലവി പാടും ഞാനെന്നും-
Download pdf