യേശുമഹോന്നതനേ നിനക്കു
സ്തോത്രമുണ്ടാകയെന്നേക്കും-ആമേന്
1 നീചരാം ഞങ്ങളെ വീണ്ടിടുവാന് വാനലോകം വെടിഞ്ഞാശു വന്നു
താണു നരാകൃതി പൂണ്ടതിനെ പ്രാണനാഥാ നിനച്ചാദരവായ്-
2 വാനസേനാദികളില് സ്തുതിയും ആനന്ദമാം സ്വര്ഗ്ഗഭാഗ്യമതും
ഹീനരായീടുമീ ഞങ്ങളുടെ ഊനമകറ്റുവാനായ് വെടിഞ്ഞോ!-
3 ഭൂതലേ ദാസനായ് നീ ചരിച്ചു പാപികളെ കനിവായ് വിളിച്ചു
നീതിയിന് മാര്ഗ്ഗമെല്ലാമുരച്ചു വേദനയേറ്റവും നീ സഹിച്ചു-
4 പാപനിവാരകനായ നിന്മേല് പാപമശേഷവുമേറ്റുകൊണ്ട്
പാപത്തിന് യാഗമായ് ചോരചിന്തി പാരിന് മദ്ധ്യേ കുരിശില് മരിച്ചു-
5 ഈയുപകാരമെന്റെ മനസ്സില് സന്തതമോര്ത്തു നിന്നോടണഞ്ഞു
ലോകയിമ്പങ്ങളെ തള്ളിടുവാന് നീ കൃപചെയ്ക ദിനംപ്രതി മേ-