842. ആശ്രയം എനിക്കിനി യേശുവിലെന്നും
ആശ്രയം എനിക്കിനി യേശുവിലെന്നും
ആകയാലില്ലിനി ആകുലമൊന്നും
1 പാരിടത്തില്‍ പല ശോധന വരികില്‍
പാടിടും ഞാന്‍ പുതുഗാനമെന്‍ ഹൃദിയില്‍
അല്ലലിന്‍ അലകള്‍ നേരേ വന്നിടുകില്‍
ഹല്ലെലുയ്യ പാടി ആശ്വസിച്ചിടും ഞാന്‍-
2 സിംഹവായടച്ചും തീ ബലം കെടുത്തും
സംഹാരദൂതന്‍ തന്‍ കൈകളെ തടുത്തും
അല്ലിലും പകലിലും തന്‍ ഭുജബലത്താല്‍
നല്ലപോല്‍ കാത്തവന്‍ നടത്തിടും കൃപയാല്‍-
3 വാനിലെ പറവയെ പുലര്‍ത്തിടും ദൈവം
വാസനമലര്‍കളെ വിരിയിക്കും ദൈവം
മരുവില്‍ തന്‍ജനത്തെ നടത്തിടും ദൈവം
മറന്നിടാതെന്നെയും കരുതിടുമെന്നും-
4 തന്‍മൊഴി കേട്ടും തന്മുഖം കണ്ടും
തന്‍പാദ സേവ ചെയ്തും ഞാന്‍ പാര്‍ക്കും
പാരിലെ നാളുകള്‍ തീര്‍ന്നുയെന്‍ പ്രിയനെ
നേരില്‍ ഞാന്‍ കാണുമ്പോള്‍ തീരുമെന്‍ ഖേദം
Download pdf