238. എന്‍ ജീവനാഥാ ദൈവസുതാ
രീതി: നിന്നിഷ്ടം ദേവാ...
1 എന്‍ ജീവനാഥാ ദൈവസുതാ നിന്നന്തികേ ഞാന്‍ വന്നിടുന്നു
ആശ്രയസ്ഥാനം നീ മാത്രമേ പ്രാണനാഥായെന്‍ സങ്കേതമേ
2 എന്‍ ജീവനാഥാ ദൈവസുതാ സ്വര്‍ല്ലോകത്തിന്‍റെ ആരാധ്യനേ
ഏഴയാമെന്നെ സ്നേഹിച്ചല്ലോ അത്യഗാധമിതപ്രമേയം
3 എന്‍ ജീവനാഥാ ദൈവസുതാ നന്മയെന്തെന്നില്‍ ദര്‍ശിച്ചു നീ
പാപിയാം ശത്രു അര്‍ദ്ധപ്രാണന്‍ ഏവം വിധമീയേഴയാം ഞാന്‍
4 എന്‍ ജീവനാഥാ ദൈവസുതാ
നിന്‍സ്നേഹം നാവാല്‍ അവര്‍ണ്ണ്യമേ
അയോഗ്യനാമീ പാപിയെന്നെ നിന്‍മകനാക്കി തീര്‍ത്തുവല്ലോ
5 എന്‍ ജീവനാഥാ ദൈവസുതാ വാഞ്ചിക്കുന്നേ നിന്‍സന്നിധാനം
തൃക്കണ്ണിന്‍ ശോഭ കണ്ടിടും ഞാന്‍
തൃപ്പാദത്തില്‍ വണങ്ങിടുമേ
Download pdf