534. എന്‍ ദൈവമേ നീയെത്ര നല്ലവനാം
രീതി: മല്‍പ്രിയനെ എന്നേശു
എന്‍ദൈവമേ നീയെത്ര നല്ലവനാം! വല്ലഭനാം!
എന്നെ നീ നടത്തിടുന്നു എന്‍ഭാരം ചുമന്നിടുന്നു
അന്നന്നു നീ വേണ്ടുന്നതെല്ലാം നല്‍കി പാലിക്കുന്നു
1 ഇദ്ധരയില്‍ എല്ലാം പ്രതികൂലമായ് തീര്‍ന്നെന്നാലും
കാര്‍മുകിലേറി വന്നാലും ഓളങ്ങളാഞ്ഞടിച്ചാലും
കൈവിടല്ലേ എന്‍പ്രാണനായകനേ! കാത്തിടണേ-
2 മന്നില്‍ നിന്നു വിണ്ണില്‍ നിന്‍ സന്നിധാനം ചേരും വരെ
നിന്‍ മാര്‍വ്വില്‍ ചാരി ഞാനെന്നും സീയോനിന്‍ യാത്ര തുടരാന്‍
വിശ്വാസത്തിന്‍ നല്ലപോര്‍ പൊരുതിടുവാന്‍ ശക്തി നല്‍ക-
3 എന്നേശുവേ എന്നു നീ വന്നിടുമോ ചേര്‍ത്തിടുവാന്‍
കാലങ്ങള്‍ ദീര്‍ഘമാക്കല്ലേ നിന്നില്‍ ഞാന്‍ നിത്യം ചേരുവാന്‍
സീയോനില്‍ ഞാന്‍ മോദമായ് വാണിടുവാന്‍ എന്നുമെന്നും-
Download pdf