259. എന്‍റെ കര്‍ത്താവുമെന്‍ ദൈവവുമേ!
1 എന്‍റെ കര്‍ത്താവുമെന്‍ ദൈവവുമേ!
നിന്‍മുറിവില്‍ മമ ചുംബനമേ!
നിര്‍മ്മലനാം നിന്‍മേനിയിലീ-
വന്‍മുറിവുകളിന്‍ കാരണം ഞാന്‍--
2 അടികളാലാണിയാല്‍ മുള്‍മുടിയാല്‍
അടിമുടി മുഴുവനും മുറിവുകളായ്
ഒടുവില്‍ വിലാവിലും കുത്തിയതാം
വടുവിലും വിനയമായ് മുത്തുകയാം-
3 എന്നുടെ വീണ്ടെടുപ്പിന്‍ വിലയാം
ചെന്നിണം ചിന്തിയതിന്‍ വിടവാം
എന്നും പിതാവിന്‍റെ സന്നിധിയില്‍
നിന്നിടുവാന്‍ ബലം നല്‍കുവത്--
4 ഇന്നു ഞാന്‍ മുത്തുവതാത്മാവില്‍
വന്നിടും നീയിനിയന്നാളില്‍
കണ്ടിടും നിന്നെ ഞാന്‍ മുഖദാവില്‍
മുത്തിടും നിന്‍മുറിവില്‍ വടുവില്‍--
Download pdf