Lyrics : K.D.W.രീതി: യേശു എന് ഉള്ളത്തില്
എന്പ്രിയാ! നിന്നെ ഞാന് എന്നു കാണും ?
പൊന്മുഖം ഞാനെന്നു കാണും ?
വാനില് വന്നന്തികേ എന്നു ചേര്ക്കും ?
വന് വിനകള് എന്നു തീരും ?
1 മന്ദിരം നീ തീര്ത്തു വേഗം വന്നു ചാരേ
ചേര്ക്കുമെന്ന ആശയില് ഞാന് പാര്ത്തിടുന്നു
എന്നു നീ വന്നിടും യേശു നാഥാ
നിന്മുഖം ഞാനെന്നു കാണും ?
2 വീഞ്ഞു വീട്ടില് കൊണ്ടു വന്ന എന്റെ പ്രിയന്
എന്നുമെന് ഞാനവന്റേതെന്നുമെന്നും
ലോകത്തിന് മോഹങ്ങള് വേണ്ട തെല്ലും
ജീവിതേശാ! നീ മതിയേ-
3 ദണ്ഡനങ്ങളേറെയേറ്റു ചോര ചിന്തി
ജീവനേകി സ്നേഹിച്ചല്ലോ വന് കൃപയാല്
മന്നിതില് ജീവിക്കും കാലമെല്ലാം
നിന്നെ മാത്രം സേവിക്കും ഞാന്-
4 ലോകം വേണ്ടാ സ്ഥാനമാനം ഒന്നും വേണ്ട
നിന്ജനത്തിന് കഷ്ടം മാത്രം എന് പ്രമോദം
നിന്മഹാ പ്രേമത്തിന് തീയണയ്ക്കാന്
മന്നിലില്ല വന് പ്രളയം-
5 സ്വര്ഗ്ഗനാട്ടില് വന്നിടുമ്പോള് എന് ഹൃദയം
ആര്ത്തിയോടെ ചുറ്റും നോക്കും നിന്നെക്കാണ്മാന്
പാടെഴും കാല്കരം കണ്ടിടുമ്പോള്
വീണിടും ഞാന് നിന്റെ മുമ്പില്-
Download pdf