1052. എന്‍ പ്രിയരക്ഷകന്‍ നീതിയിന്‍ സൂര്യനായ്
എന്‍പ്രിയരക്ഷകന്‍ നീതിയിന്‍ സൂര്യനായ് തേജസ്സില്‍ വെളിപ്പെടുമേ
താമസമെന്നിയേ മേഘത്തില്‍ വരും താന്‍
കാന്തയാമെന്നെയും ചേര്‍ത്തിടും നിശ്ചയമായ്-
1 യെരൂശലേമില്‍ തെരുവിലൂടെ ക്രൂശുമരം ചുമന്നു
കാല്‍വറിയില്‍ നടന്നു പോയവന്‍
ശോഭിത പട്ടണത്തില്‍ മുത്തുകളാലുള്ള
വീടുകള്‍ തീര്‍ത്തിട്ടു വേഗത്തില്‍ വരുമവന്‍-
2 ആനന്ദപുരത്തിലെ വാസം ഞാനോര്‍ക്കുമ്പോള്‍
ഇഹത്തിലെ കഷ്ടം സാരമോ?
പ്രത്യാശാഗാനങ്ങള്‍ പാടി ഞാന്‍ നിത്യവും
സ്വര്‍ഗ്ഗീയ സന്തോഷമിഹത്തിലുണ്ടിന്നലേക്കാള്‍
3 നീതിസൂര്യന്‍ വരുമ്പോള്‍ തന്‍പ്രഭയിന്‍ കാന്തിയാല്‍
എന്‍ഇരുള്‍നിറം മാറിടുമെ രാജരാജപ്രതിമയെ
ധരിപ്പിച്ചെന്നെ തന്‍ കൂടവെയിരുത്തുന്ന രാജാവു വേഗം വരും-
4 സന്താപം തീര്‍ത്തിട്ടു അന്തമില്ലായുഗം കാന്തനുമായി വാഴുവാന്‍
ഉള്ളം കൊതിക്കുന്നെ പാദങ്ങള്‍ പൊങ്ങുന്നെ
എന്നിങ്ങു വന്നെന്നെ ചേര്‍ത്തിടും പ്രേമകാന്തന്‍-
Download pdf