341. എന്‍ മനമേ ദിനവും-നമിക്ക നീ
എന്‍മനമേ ദിനവും-നമിക്ക നീ മന്നവനേശുവിനെ
നിന്നുടെ പേര്‍ക്കവന്‍ ഉന്നതലോകത്തില്‍
നിന്നിറങ്ങി ഭൂവി വന്നു മരിക്കയാല്‍
1 നിന്‍ പാപഭാരമാകെ വഹിച്ചവന്‍ തുമ്പം സഹിക്കമൂലം
കമ്പം മരണഭയമിവയകന്നിമ്പമുദിച്ചുവല്ലോ
വന്‍ പിഴയാകെ ക്ഷമിച്ചു മനശ്ശാന്തി
ഉമ്പര്‍ പുരാന്‍ തവ നല്‍കിയ കാരണാല്‍
2 ഏറ്റം തടിച്ച മേഘം-കണക്കുള്ള തെറ്റുമതിക്രമവും
ഊറ്റമോടാഞ്ഞടിച്ചു വരും കൊടുംകാറ്റിനു തുല്യമായി
പാറ്റിയകലെക്കളഞ്ഞു മന:ക്ലേശം
ആറ്റി ശിക്ഷാവിധി മാറ്റിയതോര്‍ത്തു നീ
3 ഓര്‍ത്താല്‍ കിഴക്കുനിന്നു പടിഞ്ഞാറിന്നെത്രയകലമുണ്ടാം
അത്രയും ദൂരത്തില്‍ തവ പാപമാക്കിക്കളഞ്ഞവനെ
മാത്രമല്ല തവ പാപം മഹോദധി
മദ്ധ്യത്തിലാഴ്ത്തിലിട്ടു കളകയാല്‍-
4 അഗ്നിയില്‍ നീ നടക്കും-തരുണത്തില്‍ കത്തുകില്ലഗ്നി നിന്മേല്‍
വെള്ളത്തിലൂടെയെന്നാ-ലതു നിന്നെ മൂടിക്കളകയില്ല
പേര്‍ ചൊല്ലി നിന്നെ വിളിച്ചിരിക്കുന്നവന്‍
കൂറുള്ള നിന്‍ ദേവനെന്നറിഞ്ഞീടുക
5 ഞാനവരോടു കൃപാ-സമേതമായ് മേവുമവരുടയ
ലംഘനത്തില്‍ കരുണാ-സമൃദ്ധിയെ തങ്കുമാറാക്കുമന്നാള്‍
ആയവര്‍ക്കുള്ളൊരകൃത്യവും പാപവും
ഞാനിനിയോര്‍ക്കുകില്ലെന്നുര ചെയ്കയാല്‍-
Download pdf