Lyrics : E.K.G.രീതി: എന് മനമേ ദിനം വാഴ്ത്തുക
എന്മനമേ സ്തുതി പാടിടുക
എന്പ്രാണരക്ഷകനാം-ശ്രീയേശുവിന്നു
1 സ്വര്ഗ്ഗീയദൂതരിന് നല് സ്തുതിഗീതവും
സ്വന്തപിതാവിന്റെ ലാളനയൊക്കെയും
അന്തമില്ലാതുള്ള തന് മഹിമാവതും
ഹന്ത! വെടിഞ്ഞിഹ വന്നു പിറന്നു
എന്തൊരു താഴ്മയെന്നോര്ത്തധികം
2 സകലത്തിന് ലാക്കും കാരണഭൂതനും
സകല പ്രപഞ്ചത്തിന്നേകാവകാശിയും
ദൈവതേജസ്സിന്റെ പൂര്ണ്ണപ്രഭാവവും
ദൈവിക തത്വത്തിന്നേകമാം മുദ്രയും
സകലവും വചനത്താല് വഹിപ്പവനും
3 തന്നുടെ സന്നിധൗ വന്നവര്ക്കേവര്ക്കും
തക്കപ്രതിഫലം നല്കാതിരുന്നില്ല
ദു:ഖിതര്ക്കാശ്വാസം വിശന്നോര്ക്കാഹാരം
കുരുടര്ക്കു കാഴ്ചയും മൂഢര്ക്കു ജ്ഞാനവും
കൊടുക്കുവാനവനൊട്ടും മടിച്ചതില്ല-
4 നാമെല്ലാം നമ്മുടെ സ്വന്ത വഴികളില്
നാനാവിധ സുഖഭോഗങ്ങള് തേടി
ആമയം നീക്കുവാന് കാല്വറി തന്നില്
ആ മരക്കുരിശില് പാതകര് നടുവില്
മാമരണം നമുക്കായ് സഹിച്ചു-
![](images/PDF.gif)
Download pdf