139. എന്മനം സ്തുതിച്ചിടുമേ ദിനവും
രീതി: കൂടുവിട്ടൊടുവില്‍ ഞാനെന്‍
എന്മനം സ്തുതിച്ചിടുമേ ദിനവും എന്‍പ്രാണനായകനെ
വര്‍ണ്ണിച്ചു പാടിടുമേ പരനെന്‍ പ്രാണനെ വീണ്ടതിനാല്‍
1 ആശങ്കയൊന്നുമില്ല യേശുവിന്‍ പാത മതി
ക്രൂശിലെ സ്നേഹമെന്നെ തേടി വന്നു
ഇത്രമേല്‍ സ്നേഹിപ്പാനായ്
ഇതുപോല്‍ എത്രപേരുണ്ടിഹത്തില്‍?
2 ആരെല്ലാം കൈവിട്ടാലും നിന്ദിച്ചു തള്ളിയാലും
ആദരിച്ചവനെന്നെ നടത്തിടുന്നു
ആമയമകറ്റിടുന്നു-ശിരസ്സില്‍ ആശിഷമേകിടുന്നു
3 ശത്രുവിന്‍ പാളയത്തില്‍ ആയിരുന്നെന്നെയവന്‍
എത്രമേല്‍ തേടി വന്നു ജീവനേകി
ശാശ്വത മാര്‍ഗ്ഗം തുറന്നെന്‍ ഗമനം സുസ്ഥിരമാക്കിയതാല്‍-
4 പ്രത്യാശ വര്‍ദ്ധിക്കുന്നു പൊന്‍മുഖം നേരില്‍കണ്ട്
നിത്യമായ് വാഴും കാലമോര്‍ത്തിടുമ്പോള്‍
എന്നുള്ളം തുടിച്ചിടുന്നു ദിനവും വന്ദിച്ചിടും പരനെ
Download pdf