379. എന്‍ യേശു എന്‍ സംഗീതം എന്‍
1 എന്‍ യേശു എന്‍ സംഗീതം എന്‍ ബലം ആകുന്നു
താന്‍ ജീവന്‍റെ കിരീടം എനിക്കു തരുന്നു
തന്‍മുഖത്തിന്‍ പ്രകാശം ഹാ! എത്ര മധുരം!
ഹാ! നല്ലൊരവകാശം എന്‍റേതു നിശ്ചയം!
2 എന്‍ യേശു എന്‍ സംഗീതം എന്‍ ബലം ആകുന്നു
എനിക്കു വിപരീതം ആയ കൈയെഴുത്ത്
തന്‍ക്രൂശിന്‍ തിരുരക്തം മായിച്ചുകളഞ്ഞു
ശത്രുത തീര്‍ത്തു സ്വര്‍ഗ്ഗം എനിക്കു തുറന്നു-
3 എന്‍ യേശു എന്‍ സംഗീതം എന്‍ ബലം ആകുന്നു
എന്‍ഹൃദയത്തിന്‍ ഖേദം ഒക്കെ താന്‍ തീര്‍ക്കുന്നു
എന്‍വഴിയില്‍ പ്രയാസം ഞെരുക്കം സങ്കടം
വരുമ്പോള്‍ നല്ലാശ്വാസം യേശുവിന്‍ മാര്‍വ്വിടം-
4 എന്‍ യേശു എന്‍ സംഗീതം എന്‍ ബലം ആകുന്നു
താന്‍ നിത്യസ്നേഹംകൊണ്ടു എന്നെ സ്നേഹിക്കുന്നു
താന്‍ തുടങ്ങിയ വേല എന്നില്‍ നിവര്‍ത്തിക്കും
തന്‍ കൃഷ്ണമണിപോലെ എന്നെ കാത്തുകൊള്ളും-
5 എന്‍ യേശു എന്‍ സംഗീതം എന്‍ ബലം ആകുന്നു
തന്‍വരവു സമീപം നേരം പുലരുന്നു
ദിവ്യമഹത്ത്വത്തോടു താന്‍ വെളിപ്പെട്ടിടും
ഈ ഞാനുമവനോടു കൂടെ പ്രകാശിക്കും-
Download pdf