Lyrics : K.V.S.
രീതി: എന് കാന്തനിവന് തന്നെ
എന്വാസമിതു തന്നെ ധന്യന് ഞാനഹോ! നിര്ണ്ണയം
പൊന്വെള്ളിരത്നങ്ങളാലന്വഹം വിളങ്ങുമോ-രെന്
1 വെണ്മനിറമാണ്ടുള്ള തുണികള് നാലുവശവും
താമ്രച്ചുവടു തൂണിന്നണികള് തന്മേല് കിടക്കു-
ന്നുണ്മയാലോരോ ഭക്തമണികള് ക്രിസ്തുനീതിയെ
തന്മേല് ധരിച്ചതാണിപ്പണികള്
പ്രാകാരമാകും സ്ഥാപനം
നീതികരിപ്പിന് ബോധനം നല്കുന്നു ബഹുശോഭനം
തന് സഭയേവം മോഹനം പരിപാവനം-
2 ഏകമാം വാതിലിന്നകത്തു വിശുദ്ധ ബലി-
പീഠമൊന്നുണ്ടതിന്നടുത്തു തൊട്ടിയിരിക്കു-
ന്നായതില് നിന്നുദമെടുത്തു പുരോഹിതന്മാര്
കായം ശുദ്ധമാക്കും കൊടുത്തു-
കാണുന്നു; പൊരുളേശുവില് കൂടി നാം മുക്തി വേദിയില്
ചെന്നുതന്നാത്മചോലയില് സ്നാതരാകണം വേലയില്
തിരുശാലയില്-
3 നാലുനിറമാം മറ തൂക്കി അതിന്നകത്തു
മേശവിളക്കെന്നിവയാക്കി സുഗന്ധപീഠ-
മായത്തിന്നപ്പുറത്തു നീക്കി വച്ചിരിക്കുന്നു
കാണുകിതു പൊരുളില് നോക്കി
സ്വാര്പ്പണം മേശമേലിതാ കാണുന്നു; വേദഗീരുതാനത്രേ
വിളക്കെന് സ്നേഹിതാ സ്തോത്രമേ ധൂപം
ശ്രദ്ധതാമഹിതാഭമാം-
4 പരമവിശുദ്ധ സ്ഥലം പിന്നില് കാണുന്നു ദശ
നിയമപ്പെട്ടിയുമതിന്നുള്ളില് വടിയും മന്നാ
കരുണാസനഫലകം തന്നില് തങ്കഖെറുബെ-
ന്നിവയാല് പ്രസിദ്ധമിതു മന്നില്-
ശെക്കീനായെന്ന ദീപ്തിയാല് ശോഭിപ്പുവാസം ശുദ്ധിയായ്
ദൈവത്തിന് വാസകക്ഷ്യയാമീസ്ഥലം കാണ്ക-
ശിക്ഷയായ് സ്ഥിരരക്ഷയാം-
5 ശിത്തീം മരപ്പലക ചുറ്റും നാല്പതൊടെട്ടു
വ്യത്യാസമം വളഞ്ഞു മുറ്റും ഇതിലെ സ്വര്ണ്ണ-
വസ്തുക്കള് കാത്തിടുന്നു ചെറ്റും പിഴവരാതെ
ഭക്തര് കൃത്യത്തോടിതു പറ്റും-
ഏഴു വിശിഷ്ട സാധനം കാക്കുവാനീശന് ശാസനം
നല്കിനാന് നമ്മളീധനം- പാലിക്കില് കിട്ടും വേതനം
സുഖമേറിടുന്നോ-
![](images/PDF.gif)
Download pdf