995. എന്നിനിയും വന്നങ്ങു ചേര്‍ന്നിടും
എന്നിനിയും വന്നങ്ങു ചേര്‍ന്നിടും ഞാന്‍ നിന്നരികില്‍
ആശയാല്‍ നിറഞ്ഞിടുന്നെന്‍ മാനസം കൊതിച്ചിടുന്നേ
1 പാരിടത്തില്‍ കൂടാരവാസിയായി പാര്‍ത്തിടുന്നു
പരനേ നീയൊരുക്കിടുന്നെന്‍ പിരിയാത്ത നിത്യഭവനം-
2 അല്‍പനാളീ കണ്ണുനീരിന്‍ താഴ്വരയില്‍ ആയിടിലും
അത്യന്തം തേജസ്സിന്‍ ഘനം നിത്യതേ ചെന്നു കാണും ഞാന്‍-
3 നീ തരുന്ന ശോധന വേദനകള്‍ നന്മയെന്ന്
നാളുകള്‍ കഴിഞ്ഞിടുമ്പോള്‍ നാഥാ! ഞാനറിഞ്ഞിടുമേ-
4 പാര്‍ത്തലത്തില്‍ കര്‍ത്താവിന്‍ വേലചെയ്തു തീര്‍ത്തെനിക്ക്
കര്‍ത്തനെ നിന്‍ സവിധത്തില്‍ എത്തി വിശ്രമിച്ചിടുവാന്‍
5 ഞാനിഹത്തില്‍ മണ്ണോടു മണ്ണായാലും വാനത്തില്‍ നീ
വന്നു വിളിക്കും നേരത്ത് അന്നു ഞാനെത്തും ചാരത്ത്-
Download pdf