942. എന്നു നീ വന്നിടുമേശു മഹേശനേ!
രീതി: യേശു മഹേശാ നിന്‍ സന്നിധി
1 എന്നു നീ വന്നിടുമേശു മഹേശനേ!
ഇന്നുള്ള തുമ്പങ്ങള്‍ തീര്‍ന്നിടുവാന്‍ -പ്രിയാ!
നിന്നോടണഞ്ഞു ഞാന്‍ വാണിടുവാന്‍
2 വിണ്ണില്‍ ഹാ വീടുകള്‍ തീര്‍ത്തിട്ടു വേഗം ഞാന്‍
വന്നിടാമെന്നുര ചെയ്തവനേ-നാഥാ!
വന്നിടാന്‍ താമസമെന്തിനിയും?-
3 മന്നിലെ ജീവിതം ക്ലേശഭൂയിഷ്ഠമാം
നിന്നജങ്ങള്‍ക്കിഹം യോഗ്യമല്ല-വേഗം
വന്നു നിന്നന്തികേ ചേര്‍ത്തിടണേ
4 ഭിന്നതയാലിന്നു നിന്‍ജനം താണിടാ-തുന്നത ശക്തിയാല്‍
താങ്ങിടണേ-എല്ലാ മന്ദതയും നീക്കി കാത്തിടണേ-
5 മന്നനേ സുന്ദരാ! നിന്‍ മുഖം കണ്ടിടാന്‍
എന്നുള്ള വാഞ്ഛിച്ചു മോഹിക്കുന്നേ-നിന്‍റെ
പൊന്നു മുഖം കണ്ടൊന്നാനന്ദിപ്പാന്‍
6 ഉന്നത നന്ദനാ! എന്‍ പ്രിയ കാന്തനേ!
വന്നു നിന്‍ രാജ്യത്തില്‍ ചേര്‍ത്തിടണേ-ഞങ്ങള്‍
ഒന്നായിട്ടങ്ങെന്നും വാണിടുവാന്‍-
Download pdf