1072. എന്നു വന്നിടുമോ എന്‍ വിന
1 എന്നു വന്നിടുമോ എന്‍ വിന തീര്‍ക്കുവാന്‍
എന്‍പേര്‍ക്കുയിര്‍ തന്ന നാഥാ
ഈ മരുഭൂവിലെ വാസമെനിക്കേതും യോഗ്യമല്ലെന്‍ പ്രിയനേ (2)-
2 സ്വര്‍ലോകം വിട്ടെന്നെ തേടി ധരയിതില്‍ വന്നവനാണെന്‍റെ പ്രിയന്‍
മന്നിതില്‍ നിന്നെന്നെ ഉന്നതേ ചേര്‍ക്കുവാന്‍
നിന്ദിതനായ് തീര്‍ന്ന നാഥന്‍-
3 അക്കരെയാണെന്‍റെ പ്രിയനെന്നാകിലും എപ്പോഴും എന്‍കഥയോര്‍ക്കും
എന്നിങ്ങു വന്നിടും ഒന്നിച്ചിരുന്നിടും അന്നെന്‍റെ വേദനമാറും-
4 പാരില്‍ പരദേശിയായി ഞാന്‍ പ്രിയന്‍റെ സ്നേഹക്കൊടിക്കീഴില്‍ മേവും
പാരിടവാസം വെടിഞ്ഞിടും നേരത്തില്‍
എന്‍പ്രിയന്‍ മാറില്‍ ഞാന്‍ ചായും-
Download pdf