456. എന്നും നല്ലവന്‍ യേശു എന്നും
എന്നും നല്ലവന്‍ യേശു എന്നും നല്ലവന്‍
ഇന്നലെയുമിന്നുമെന്നുമന്യനല്ലവന്‍
1 ഭാരമുള്ളില്‍ നേരിടും നേരമെല്ലാം താങ്ങിടും
സാരമില്ലെന്നോതിടും തന്‍ മാറിനോടു ചേര്‍ത്തിടും-
2 സംഭവങ്ങള്‍ കേള്‍ക്കവേ കമ്പമുള്ളില്‍ ചേര്‍ക്കവേ
തമ്പുരാന്‍ തിരുവചനമമോര്‍ക്കവേ പോമാകവേ-
3 ഉലകവെയില്‍ കൊണ്ടു ഞാന്‍ വാടിവീഴാതോടുവാന്‍
തണലെനിക്കു തന്നിടുവാന്‍ വലഭാഗത്തായുണ്ടു താന്‍-
4 വിശ്വസിക്കുവാനുമെന്നാശ വച്ചിടാനുമീ
വിശ്വമതിലാശ്വസിക്കാനാശ്രയവുമേശു താന്‍-
5 രാവിലും പകലിലും ചേലൊടു തന്‍ പാലനം
ഭൂവിലെനിക്കുള്ളതിനാല്‍ മാലിനില്ല കാരണം
Download pdf