540. എന്നും സന്തോഷിക്കുമെന്‍ കര്‍ത്താധി
രീതി: എന്നൈ ഉണ്ടാക്കിന
എന്നും സന്തോഷിക്കുമെന്‍ കര്‍ത്താധികര്‍ത്തനില്‍ ഞാന്‍
എന്‍റെ പാപഭാരം നീങ്ങിയതുമൂലം
1 നിത്യതയിലെന്നെ പരന്‍ കണ്ടു ക്രൂശില്‍ യാഗമായ്
മൃത്യുവിന്‍റെ കൈകളില്‍ നിന്നെന്നെ രക്ഷ ചെയ്തു താന്‍
രക്ഷിപ്പിന്‍ ഗീതങ്ങള്‍ ഉച്ചത്തില്‍ പാടിടും
പ്രതിദിനം തിരുവടി പണിഞ്ഞിടും ഞാന്‍-
2 എന്നുമെന്‍റെ പ്രശംസയെന്‍ രക്ഷകന്‍റെ ക്രൂശിലാം
ലോകം തരും പുകഴ്ചകള്‍ ഖേദമാണെന്നെണ്ണും ഞാന്‍
ക്രൂശിന്‍റെ പാതയില്‍ നാഥന്‍റെ കൂടെ ഞാന്‍
തിരുമൊഴി ശ്രവിച്ചെന്നും നടന്നിടുമേ
3 സ്നേഹിതന്‍മാര്‍ ദുഷിച്ചെന്നെ പകച്ചാലും ശാന്തനായ്
സ്നേഹനാഥനേശുവിന്‍റെ മാറിടത്തില്‍ ചാരും ഞാന്‍
ദു:ഖങ്ങള്‍ മാറിടും കണ്ണീരും തോര്‍ന്നിടും
മനസ്സുഖമോടു ദിനം വസിച്ചിടും ഞാന്‍-
4 മന്നിലെന്‍റെ വാസരങ്ങള്‍ തീരും വരെ നാഥന്‍റെ
പൊന്നുപാദസേവ ചെയ്തു മോദമോടെ വാഴും ഞാന്‍
പിന്നെയെന്നേശുവിന്‍ സന്നിധി തന്നില്‍ ഞാന്‍
ചെന്നു സ്തുതി ചെയ്തു നിത്യം വണങ്ങിടുമേ-
Download pdf