465. എന്നുമീ ഭൂവിലെന്‍ ജീവിതയാത്രയില്‍
എന്നുമീ ഭൂവിലെന്‍ ജീവിതയാത്രയില്‍
എന്നുടെ സഖിയാണേശു അ അ അ
ഉന്നതനവനെന്‍ കൂടെ പ്രയാണം
തന്നുടെ വചനം എനിക്കു പ്രമാണം
1 കല്ലുകള്‍ മുള്ളുകളിവയിലെന്‍ കാലുകള്‍
തല്ലിടാതവനെന്നെ കാക്കും അ അ അ
ഇല്ലൊരു വഴിയും അവനറിയാതെ
തെല്ലുമേ കുഴയാ ഞാന്‍ കൃപയാലെ
2 ഇദ്ധരയിളകും വന്‍കൊടുംകാറ്റതില്‍
ഇത്രയും ശാന്തതയാരില്‍ അ അ അ
ഉത്തമനവനില്‍ ഉറപ്പിച്ചെന്‍ പാദം
നിത്യവും അടിയന്‍ നില്‍ക്കും സമ്മോദം
3 ഉഗ്രമാം വെയിലില്‍ ഉലകമാം വയലില്‍
ഊഴിയം ഞാന്‍ ചെയ്യുന്നേരം അ അ അ
ഉണ്ടെനിക്കരികില്‍ അവന്‍ തണലായി
കുണ്ഠിതം വരികില്‍ ഉടന്‍ തുണയായി-
4 വന്‍മരുഭൂമിയില്‍ എന്‍മനം നീറുകില്‍
തന്‍മുഖം എനിക്കാശ്വാസം അ അ അ
വിണ്മയമാകും വനാന്തരമേതും
നന്മയും ദയയും അവനെനിക്കേകും-
Download pdf