Lyrics : T.J.Vരീതി: ഇദ്ധരയില് എന്നെ
1 എന്നുള്ളിലെന്നും വസിച്ചിടുവാന് സ്വര്ഗ്ഗമണ്ഡപം വിട്ടിറങ്ങി-വന്ന
ഉന്നതനാം തങ്കപ്രാവേ! നീ വന്നെന്നില് എന്നുമധിവസിക്ക-
2 തങ്കച്ചിറകടി എത്ര നാള് കേട്ടിടും ശങ്കകൂടാതെ നിന്നെ-തള്ളി
സങ്കേതം ഞാന് കൊടുത്തന്യര്ക്കെന്നോര്ത്തിതാ സങ്കടപ്പെട്ടിടുന്നു-
3 കര്ത്തനെ! എത്രയനുഗ്രഹങ്ങളയ്യോ നഷ്ടമാക്കി ഈവിധം-ഇന്നും
കഷ്ടത തന്നില് വലയുന്നു ഞാനിതാ തട്ടിയുണര്ത്തണമേ-
4 ശൂന്യവും പാഴുമായ് തള്ളിയതാമീ നിന് മന്ദിരം തന്നിലിന്നു-ദേവാ!
വന്നു പാര്ത്തു ശുദ്ധി ചെയ്തു നിന്വീട്ടിന്റെ നിന്ദയകറ്റണമേ-
5 ജീവിതമിന്നും ശരിയായിട്ടില്ലയ്യോ ജീവിപ്പിക്കും കര്ത്തനേ!-വന്നു
ജീവനും ശക്തിയും സ്നേഹവും തന്നെന്നെ ജീവിപ്പിച്ചീടണമേ-
6 ശക്തിയിന് സിംഹാസനേ ജയവീരനായ് വാഴുന്നോരേശുരാജന്-എന്നില്
ശക്തിയോടെ വന്നു വാണിടും നേരത്തില് ശക്തനായ് ജീവിക്കും ഞാന്
7 എന്നലങ്കാരവസ്ത്രം ധരിച്ചിടും ഞാന് ഇന്നുമുതല് ദൈവമേ-മേലാല്
എന്നില് അശുദ്ധനും ചേലാവിഹീനനും ചേര്ന്നു വരികയില്ല-
8 ഈ വിധത്തില് പരിപാലിക്കപ്പെട്ടിടാന് ദൈവാത്മാവേ വന്നെന്നില്-എന്നും
ആവസിച്ചു തവ തേജസ്സാലെന്നുടെ ജീവന് പ്രശോഭിപ്പിക്ക-
![](images/PDF.gif)
Download pdf