820. എന്നേശുവേ! നീയാശ്രയം എന്നാളും
എന്നേശുവേ! നീയാശ്രയം എന്നാളും മന്നിലീ സാധുവിന്നു
എല്ലാരും പാരില്‍ കൈവിട്ടാലും എന്നെ കരുതുന്ന കര്‍ത്താവു നീ
1 ആകുലനേരത്തെന്‍ ചാരത്തണഞ്ഞു ഏകുന്നു സാന്ത്വനം നീയെനിക്കു
ആകയാലില്ല തെല്ലും ഭയം പകലും രാവും നീയഭയം-
2 ചിന്തി നീ ചെന്നിണം ക്രൂശിലതാലെന്‍ ബന്ധനം നീക്കി നിന്‍ സ്വന്തമാക്കി
എന്തൊരു ഭാഗ്യനിത്യബന്ധം സന്തതം പാടും സന്തോഷമായ്-
3 തുമ്പങ്ങളേറുമെന്‍ മാനസം തന്നില്‍ ഇമ്പം പകരുന്നു നിന്‍മൊഴികള്‍
എന്‍മനം നിന്നിലാനന്ദിക്കും നിന്മാറില്‍ ചാരിയാശ്വസിക്കും-
4 എന്നു നീ വന്നിടുമെന്നാത്മനാഥാ! വന്നതല്ലാതെന്നാധി തീരുകില്ല
ഒന്നേയെന്നാശ നിന്നെ കാണ്മാന്‍ ആമേന്‍ കര്‍ത്താവേ! വന്നിടണേ
Download pdf