Lyrics : P.V.T.1 എന്നോടുള്ള നിന് സര്വ്വനന്മകള്ക്കായി ഞാന്
എന്തു ചെയ്യേണ്ടു നിനക്കേശുപരാ ! - ഇപ്പോള്
2 നന്ദികൊണ്ടെന്റെയുള്ളം നന്നേ നിറയുന്നേ
സന്നാഹമോടെ സ്തുതി പാടിടുന്നേന്- ദേവാ
3 പാപത്തില് നിന്നു എന്നെ കോരിയെടുപ്പാനായ്
ശാപ ശിക്ഷകളേറ്റ ദേവാത്മജ-മഹാ
4 എന്നെയന്പോടു ദിനംതോറും നടത്തുന്ന
പൊന്നിടയന്നനന്തം വന്ദനമേ-എന്റെ
5 അന്ത്യം വരെയുമെന്നെ കാവല് ചെയ്തിടുവാന്
അന്തികേയുള്ള മഹല്ശക്തി നീയേ-നാഥാ
6 താതന് സന്നിധിയിലെന് പേര്ക്കു സദാ-പക്ഷ-
വാദം ചെയ്യുന്ന മമ ജീവനാഥാ-പക്ഷ
7 കുറ്റം കൂടാതെയെന്നെ തേജസ്സിന് മുമ്പാകെ
മുറ്റും നിറുത്താന് കഴിവുള്ളവനേ- എന്നെ
8 മന്നിടത്തിലടിയന് ജീവിക്കും നാളെന്നും
വന്ദനം ചെയ്യും തിരുനാമത്തിന്നു -ദേവാ
Download pdf