Lyrics : T.K.S.1 എന്തൊരു സ്നേഹമിത്! നിണം ചൊരിഞ്ഞു മരിച്ചിടുവാന്
ദൈവനന്ദനനീ നരരെക്കരുതി ജഡമെടുപ്പതിനായ് മനസ്സായ്
അവന് താഴ്ചയില് നമ്മളെ ഓര്ക്കുകയാല്
തന് പദവി വെടിഞ്ഞിതു ഹാ!-
2 അത്ഭുത സ്നേഹമിത്! നമുക്കാഗ്രഹിക്കാവതിലും
അവനപ്പുറമായ് ചെയ്ത സല്ക്രിയയാ
മരക്കുരിശതില് കാണുന്നു നാം-
3 നിത്യമാം സ്നേഹമിത്! അവന് ആദ്യം നമ്മെ സ്നേഹിച്ചു
അവസാനത്തോളമവന് സ്നേഹിച്ചിടും
ഒരു നാളും കുറഞ്ഞിടുമോ-
4 നിസ്തുല സ്നേഹമിത്! ദൈവം പുത്രനെ കൈവെടിഞ്ഞു
തന്റെ ശത്രുക്കള്ക്കായ് തകര്ക്കാന് ഹിതമായ്
ഇതുപോലൊരു സ്നേഹമുണ്ടോ!-
5 ദൈവത്തിന് സ്നേഹമിത്! ദൈവം പുത്രനെയാദരിയാ-
തവനെത്തരുവാന് മടിക്കാഞ്ഞതിനാല്
തരും സകലമിനീം നമുക്കായ്-
6 ദിവ്യമാം സ്നേഹമിത്! നരര് കാട്ടിടും സ്നേഹമതില്
പല മാലിന്യവും കലര്ന്നെന്നുവരാം
എന്നാല് കളങ്കമില്ലാത്തതിത്-
![](images/PDF.gif)
Download pdf