Lyrics : T.K.S.എന്തോരത്ഭുത പുരുഷന് ക്രിസ്തു തന്റെ മഹിമ നിസ്തുലം
ഇത്രമഹാനായ് ഉത്തമനാകുമൊരുത്തനെയുലകില് കാണുമോ!
1 ഉന്നത ദൈവനന്ദനനുലകില് വന്നിതു കന്യാജാതനായ്
ഇന്നോളമൊരാള് വന്നില്ലിതുപോല് തന്നവതാരം നിസ്തുലം
2 തല ചായ്പാനായ് സ്ഥലമില്ലാത്തോന് ഉലകമഹാന്മാര് മുമ്പിലും
തലതാഴ്ത്താതെ നിലതെറ്റാതെ നലമൊടു ജീവിച്ചത്ഭുതം-
3 കുരുടര് കണ്ടു, തിരുടര് വിരണ്ടു, ശാന്തത പൂണ്ടു സാഗരം
തെല്ലിരകൊണ്ടു ബഹുജനമുണ്ടു, മൃതരുയിര്പൂണ്ടു ക്രിസ്തനാല്
4 കലുഷതലേശം കാണുന്നില്ലീ മനുജനിലെന്നുര ചെയ്തു ഹാ!
മരണമതിന് വിധിയെഴുതിയതിവനെ പ്രതിമാത്രം ഭൂവിയത്ഭുതം
5 പാറ പിളര്ന്നു, പാരിളകുന്നു, പാവനമൃതരുയിരാര്ന്നു ഹാ!
കീറുകയായ് തിരശ്ശീലയും തന് മൃതിനേരം സൂര്യനിരുണ്ടുപോയ്
6 ഭൂതലനാഥന് തന്നുടെ മരണം കാണുക ദുര്വ്വഹമായതോ
ഭൂരിഭയം പൂണ്ടിളകുകയോയീ പ്രകൃതികളഖിലമിതത്ഭുതം!
7 മൃതിയെ വെന്നവനുയിര്ത്തെഴുന്നേറ്റു ഇതിനെതിരാരിന്നോതിടും?
ഹൃദിബോധം ലവമുള്ളോരെല്ലാം അടിപണിയും തന്സന്നിധൗ-
8 ഒലിവെന്നോതും മലയില്നിന്നും തിരുജനമരികില് നില്ക്കവേ
ചരണമുയര്ന്നു ഗഗനേ ഗതനായ് താതന്നരികിലമര്ന്നു താന്
9 ജയ ജയ നിസ്തുല ക്രിസ്തുരാജന് ജയ ജയ നിര്മ്മലനായകന്
ജയ ജയ ഘോഷം തുടരുക ജനമേ ജയ തരും നാഥനു സ്തോത്രമേ-
![](images/PDF.gif)
Download pdf