501. എന്‍റെ കര്‍ത്താവാമെശുവേ! ആശ്രിത
രീതി: എന്‍റെ ഭാവിയെല്ലാമെന്‍റെ
1 എന്‍റെ കര്‍ത്താവാമെശുവേ! ആശ്രിതവത്സലാ പ്രഭോ!
നിന്‍കരത്താല്‍ താങ്ങിയെന്നെ നിന്‍പാതയില്‍ നടത്തുക-
2 ജീവിതമാം വന്‍ കടലിന്നക്കരെ ഞാനെത്തുവോളം
മാര്‍ഗ്ഗനിര്‍ദ്ദേശം നല്‍കിയെന്‍ യാത്ര സുഗമമാക്കുക-
3 നിസ്സഹായനാകുമെന്‍റെ വിശ്വാസമാം നൗകയെ നിന്‍
ശാശ്വതകരം നയിച്ചു സന്തതം പാലിക്കേണമേ-
4 ശക്തിയായ കാറ്റും കോളും ദര്‍ശിച്ചു ഞാന്‍ പേടിക്കുമ്പോള്‍
ഭീരുവായതെന്തിനു നീ എന്ന സ്വരം കേള്‍ക്കെട്ടെ ഞാന്‍-
5 അന്ധകാരത്താലെന്‍ മാര്‍ഗ്ഗം വ്യക്തമല്ലെന്നു തോന്നിയാല്‍
ബന്ധുരമാം നിന്മുഖത്തിന്‍ കാന്തിയതില്‍ ശോഭിക്കട്ടെ-
6 മേഘത്തില്‍ നീ വന്നിടുമ്പോള്‍ തേജസ്സില്‍ ഞാന്‍ നിന്നെ കാണും
നിന്നോടു സദൃശനാകാന്‍ പ്രാപിക്കും ഞാന്‍ രൂപാന്തരം-
7 വീഴാതെന്നെ കാത്തു തവ തേജസ്സിന്‍ സന്നിധാനത്തില്‍
ചേര്‍ത്തിടുവാന്‍ പ്രാപ്തനാമെന്‍ കര്‍ത്തനെന്നും സ്തോത്രം-ആമേന്‍
Download pdf