879. എന്‍റെ കര്‍ത്താവും എന്‍ ദൈവവുമേ നിന്നില്‍
രീതി: ഹന്ത! മനോഹരമെന്തു മനോ
എന്‍റെ കര്‍ത്താവും എന്‍ ദൈവവുമേ
നിന്നില്‍ ആശ്രയിക്കുന്നു ഞാന്‍ ഇന്നും എന്നും
1 തീയിന്‍ നടുവിലും വെള്ളത്തിലും എന്‍റെ
ജീവിതനാളുകള്‍ ആയിടിലും
വെന്തുപോകാതെയും താണുപോകാതെയും
താങ്ങി നിറുത്തിടും നിന്‍ കരങ്ങള്‍-
2 രോഗത്തിലും അതിവേദനയിലും നിന്‍
സാന്നിദ്ധ്യം എനിക്കൊന്തോരാശ്വാസമേ
രോഗികളെ തൊട്ട നിന്‍കരങ്ങള്‍ എന്നെ
താലോലിച്ചാനന്ദം നല്‍കീടട്ടെ-
3 സന്താപത്തില്‍ അതിസന്തോഷം നല്‍കും നിന്‍
സാന്ത്വനം ശബ്ദം ഞാന്‍ കേട്ടിടട്ടെ
നിന്‍രൂപം കാണുവാന്‍ നിന്‍സ്വരം കേള്‍ക്കുവാന്‍
നിന്‍വചനം എനിക്കാനന്ദമേ-
4 ഇന്നലെയും ഇന്നും എന്നും അനന്യനാം
നിന്നില്‍ ഞാന്‍ ആയതാല്‍ എത്ര ധന്യന്‍
ഈ ലോക ജീവിതകാലം കഴിയുമ്പോള്‍
നിന്നോടു ചേരും ഞാന്‍ നിത്യതയില്‍-
Download pdf