832. എന്‍റെ ജീവനാം യേശുവേ! നിന്‍റെ
രീതി: നിദ്രയില്‍ ഞാനായ നേരം
1 എന്‍റെ ജീവനാം യേശുവേ! നിന്‍റെ തിരുരക്തം കൊണ്ടു
വീണ്ടെടുത്ത ഈ നിന്‍ വിശ്വാസിയെ നീ കാക്കേണമേ-
2 ശിഷ്ടമാം നാളുകളില്‍ നിന്‍ ഇഷ്ടത്തിനു ഞാന്‍ ജീവിപ്പാന്‍
ദുഷ്ടന്മാരിന്‍ ആലോചനയ്ക്കെന്നെ ഏല്‍പ്പിക്കരുതേ-
3 ലോകം തന്‍ വന്‍മായകളാല്‍ ആകര്‍ഷിപ്പാന്‍ അടുക്കുമ്പോള്‍
ഏകാഗ്രതയോടു എന്‍ മാനസം കാത്തിടണമേ-
4 ജഡബലഹീനതയില്‍ വിടരുതേ ദാസനെ നീ
ഇടവിടാതുണര്‍ന്നു പ്രാര്‍ത്ഥിപ്പാന്‍ തുണയ്ക്കേണമേ-
5 തീയമ്പുകളെ എന്‍റെ മേല്‍ എയ്യുമ്പോള്‍ പിശാചായവന്‍
നീയന്‍പോടു നിന്‍ ചിറകിന്‍ കീഴില്‍ മറയ്ക്കയെന്നെ
6 എല്ലാ ആകുല ചിന്തയും വല്ലഭനാം നിന്മേലാക്കി
നല്ലപോര്‍ വിശ്വാസത്തില്‍ പൊരുതാന്‍ സഹായിക്കുകേ-
7 പരമാര്‍ത്ഥമറിയാത്ത നരരെന്നെ ഞെരുക്കുമ്പോള്‍
ശരണം നീ ആകയെന്‍ യേശുവേ! നിന്‍ സാധുവിന്നു-
8 സ്വര്‍ണ്ണം തീയില്‍ സ്ഫുടം ചെയ്യുംവണ്ണം നീ പരീക്ഷിക്കുമ്പോള്‍
പൂര്‍ണ്ണമാം വിശ്വാസവും ക്ഷമയും നല്‍കിടേണമേ-
9 ഹൃദയമാം ആലയത്തില്‍ അമൃതമാം നിന്‍ സ്നേഹത്തിന്‍
മൃദുസ്വരം കര്‍ത്താ സദാ എന്നെ കേള്‍പ്പിക്കേണമേ-
10 മരുഭൂമിയില്‍ നാള്‍ക്കുനാള്‍ കരുണയിന്‍ സമ്പന്നനേ!
അരുള്‍ക നിന്‍ മന്നയും വെള്ളവും എന്‍ ആത്മാവിന്നു-
11 മരണം വരെ എനിക്കു തരണം നല്‍ വിശ്വസ്തത
ശരണം അപ്പോള്‍ അടിയാനു താ നിന്‍ മാര്‍വ്വിടത്തില്‍-
Download pdf