Lyrics : M.E.C.എന്റെ ജീവനായകാ! യേശുനായകാ!
ജീവദായകാ! എന്റെ ജീവനായകാ!
1 മര്ത്ത്യരക്ഷയ്ക്കായ് മൃതി വരിക്കുവാന്
നിത്യതയില് നീ നിര്ണ്ണയിക്കയോ!
ഇപ്പാപിയെന് പാപത്തിന് ഭാരം നീ വഹിക്കയോ!-
2 പരമദുഷ്ടരാം ദ്രോഹികള് ഞങ്ങള് പരിശുദ്ധന് നിന്നെ
കുരിശില് തൂക്കിയോ! ഇപ്പാതകര്ക്കെന്നും നിന്
കൃപയൊന്നേയുള്ളാശ്രയം-
3 പാപത്തെ സദാ വെറുക്കും ദൈവം നീ
പാപിയെ മുദാ സ്നേഹിക്കുന്നതാല്
നിന്ചങ്കിലെ ചോരയാലെന്നെ വീണ്ടെടുക്കയോ!-
4 ഏകയാഗത്താല് വിശുദ്ധരാകുവോര്ക്കെന്നും
സല്ഗുണപൂര്ത്തി നല്കി നീ
നല്പുതുവഴി തുറന്നു തന്നെനിക്കുമുള്പ്രവേശനം-
5 പരീക്ഷിതനായ് നീ കഷ്ടമേല്ക്കയാല്
പരീക്ഷിതര്ക്കു നീ നല്സഹായിയാം
തേന്മൊഴികളെന് പൃദയത്തിന് വിനകള് തീര്ക്കുമെപ്പൊഴും-
6 വരുന്നു ഞാനിതാ കുരിശിന് പാതയില്
മരിച്ചു ഞാനും നീ എന്നില് ജീവിപ്പാന്
ഈയെനിക്കിനീയുലകത്തിന് മഹിമ വേണ്ട നീ മതി-
7 സ്വന്തപുത്രനെയാദരിച്ചിടാതെന്നും ഞങ്ങള്ക്കായ്
തന്ന ദൈവമേ നീ സകലവുമവനില്
തന്നെന്നെ നിത്യം പോറ്റിടും-
![](images/PDF.gif)
Download pdf