400. എന്‍റെ നാഥന്‍ ജീവന്‍ തന്നോരു
രീതി: എന്‍റെ ദൈവം സ്വര്‍ഗ്ഗസിംഹാ
എന്‍റെ നാഥന്‍ ജീവന്‍ തന്നോരു രക്ഷകന്‍
എന്നും സഖി എനിക്കാശ്വാസമേ-
1 പാരില്‍ പരദേശിയാമെനിക്കെന്നുമാ
പാവന നാഥന്‍റെ കാവല്‍ മതി
പാതയില്‍ പാദദമിടറാതെ നാഥന്‍റെ
പാദം പതിഞ്ഞിടം പിന്‍ചെല്ലും ഞാന്‍-
2 കാവലിനായ് ദൂതസംഘത്തെ നല്‍കിയെന്‍
കാന്തനനുദിനം കാക്കുന്നതാല്‍
കൂരിരുള്‍ താഴ്വരയിലേകനായാലും
കൂട്ടിന് യേശു ഉണ്ടായാല്‍ മതി-
3 ഉറ്റവര്‍ കൂടെയില്ലെങ്കിലും
മുറ്റുമെന്‍ ഉറ്റസഖിയായി യേശു മതി
ഉള്ളം കലങ്ങിടും വേളയിലും യേശു
ഉള്ളതാല്‍ ചഞ്ചലമില്ലെനിക്ക്-
4 രാത്രിയിലും ദീര്‍ഘയാത്രയിലും എന്നും
ധാത്രിയേപോലെനിക്കേശു മതി
മാത്രനേരം ഉറങ്ങാതെന്നെ കാക്കുന്ന
മിത്രമാണെന്‍ ദൈവം എത്ര മോദം-
Download pdf