Lyrics : M.E.C.
രീതി: നീതിമാന്റെ പ്രാര്ത്ഥന
എന്റെ പാപഭാരമെല്ലാം തീര്ന്നുപോയല്ലോ
എളിയവന് ഞാന് ദൈവത്തിന്റെ പൈതലായല്ലോ
1 ചേറ്റില്നിന്നെന്നെയുയര്ത്തിയെന് കാലുകള് പാറമേല് നിര്ത്തിയവന്
മാറ്റിയെന് ഭീതി ഹൃദയത്തില് തന്സ്തുതിഗീതങ്ങള് തന്നവന്-
2 മോചിച്ചെന് ലംഘനം മൂടിയെന്പാപങ്ങള് മായിച്ചെന്നകൃത്യങ്ങള്
യാചിക്കും നേരത്തിലിന്നവന് ചാരത്തുവന്നിടും തീര്ച്ചയായ്-
3 ഘോരമാം കാറ്റും വന്മാരിയും വെള്ളവുമേറ്റം പെരുകുമെന്നാല്
തീരാത്ത സ്നേഹം നിറയും തന്മാറില് ഞാന് കാണും മറവിടം-
4 വേദനയേറുന്നു ലോകജനങ്ങള്ക്കു ഭീതി പെരുകിടുന്നു
ശോധനയിങ്കലും പാട്ടുകള് പാടുന്നു ദൈവത്തിന് പൈതല് ഞാന്-
5 നീതിമാന്മാരേ, യഹോവയിലെപ്പോഴും സന്തോഷിച്ചുല്ലസിപ്പിന്
സ്തുതിഗീതങ്ങള് പാടി തന്നാമത്തെ വാഴ്ത്തിപ്പുകഴ്ത്തിടുവിന്-
6 എന്നുടെ നാളുകളീ നല്ല കര്ത്താവെ സേവിച്ചു തീര്ന്നിടണം
പിന്നൊടുവിലെനിക്കെന്നാത്മനാഥന്റെ വീട്ടില് പോയ് ചേര്ന്നിടണം
Download pdf