855. എന്‍റെ ബലമായ കര്‍ത്തനെന്‍ ശരണ
എന്‍റെ ബലമായ കര്‍ത്തനെന്‍ ശരണമതാകയാല്‍ പാടിടും
ഞാനുലകില്‍ ഏറ്റമുറപ്പുളള മറവിടമാണെനിക്കെന്‍
പ്രിയന്‍ ചാരിടും ഞാനവനില്‍
ഹാ-ഹല്ലേലുയ്യാ ഗീതം പാടിടും ഞാന്‍
എന്‍റെ ജീവിതയാത്രയതില്‍ എന്‍റെ അല്ലലഖിലവും തീര്‍ത്തിടും നാള്‍
നോക്കിപ്പാര്‍ത്തിടും ഞാനുലകില്‍
1 എല്ലാക്കാലത്തും ആശ്രയം വെച്ചിടുവാന്‍ നല്ല സങ്കേതമേശുവത്രെ
പെറ്റതള്ള തന്‍കുഞ്ഞിനെ മറന്നിടിലും കാന്തന്‍ മാറ്റം ഭവിക്കാത്തവന്‍-
2 തിരുക്കരത്തില്‍ വന്‍ സാഗരജലമെല്ലാം അടക്കുന്ന
കരുത്തെഴും യാഹവന്‍ താന്‍ ഒരു ഇടയനെപ്പോലെന്നെ
അവനിയില്‍ കരുതുന്ന സ്നേഹമെന്താശ്ചര്യമേ-
3 ഉള്ളം കലങ്ങുന്ന നേരത്ത് പ്രിയന്‍ തന്‍ വാഗ്ദത്തം
ഓര്‍പ്പിച്ചുണര്‍ത്തുമെന്നെ ഉള്ളംകരത്തില്‍ വരച്ചവന്‍
ഉര്‍വ്വിക്കധീശന്‍ താന്‍ എന്നുടെ ആശ്വാസകന്‍-
4 മാറും മനുജരെല്ലാം മഹിതലമതു തീജ്വാലക്കിരയായി മാറുകിലും
തിരുവാഗ്ദത്തങ്ങള്‍ക്കേതും മാറ്റം വരില്ലവന്‍ വരവിന്‍ നാളാസന്നമായ്-
Download pdf