515. എന്‍റെ യേശു എനിക്കു നല്ലവന്‍ അവ
എന്‍റെ യേശു എനിക്കു നല്ലവന്‍ അവനെന്നെന്നും മതിയായവന്‍
ആപത്തില്‍ രോഗത്തില്‍ വന്‍പ്രയാസങ്ങളില്‍
മനമേ അവന്‍ മതിയായവന്‍-
1 കാല്‍വറി മലമേല്‍ക്കയറി മുള്‍മുടി ശിരസ്സില്‍ വഹിച്ചു
എന്‍റെ വേദന സര്‍വ്വവും നീക്കി എന്നില്‍ പുതുജീവന്‍ പകര്‍ന്നവനാം-
2 അവനാദ്യനും അന്ത്യനുമേ ദിവ്യസ്നേഹത്തിന്‍ ഉറവിടമേ
പതിനായിരത്തിലതിശ്രേഷ്ഠനവന്‍ സ്തുത്യനാം വന്ദ്യനാം നായകന്‍-
3 മരുഭൂയാത്ര അതികഠിനം പ്രതികൂലങ്ങളനുനിമിഷം
പകല്‍ മേഘസ്തംഭം രാത്രി അഗ്നിത്തൂണായ് എന്നെ അനുദിനം വഴി നടത്തും-
4 എന്‍റെ ക്ലേശമെല്ലാം നീങ്ങിപ്പോം കണ്ണുനീരെല്ലാം തുടച്ചിടുമേ
അവന്‍ വേഗത്തില്‍ വാനില്‍ വെളിപ്പെടുമ്പോള്‍ ഞാന്‍ അവനിടം പറന്നുയരും-
Download pdf