998. എന്‍റെ യേശു തമ്പുരാനെ കാണു
1 എന്‍റെ യേശു തമ്പുരാനെ കാണുവതിനായ്
കാത്തിരിക്കുന്നഗതി ഞാന്‍ തന്‍ വരവിന്നായ്
എന്തുകൊണ്ടും ക്ഷീണിക്കില്ല താന്‍ വരുമല്ലോ...ഓ...താന്‍
2 പാര്‍പ്പിടങ്ങള്‍ വിണ്ണിലൊതുക്കി വന്നു നിങ്ങളെ
ചേര്‍ത്തുകൊള്ളാമെന്നു നാഥന്‍ വാക്കുതന്നല്ലോ
തന്‍റെ വരവിന്‍ മുമ്പിലുള്ള സംഭവങ്ങളെ
കണ്ടിടുന്നു മന്നിലിന്നു താന്‍ വരുമല്ലോ...ഓ....താന്‍
3 പാപംമൂലം ശപിക്കപ്പെട്ട ഭൂതലവാസം
താപമാണ് തന്‍റെ ദാസര്‍ക്കരുളുവതെന്നാല്‍
ശോഭയേറും നാടുപൂകിയാശ്വസിച്ചിടാന്‍
ദേഹവും പുതുക്കിടുവാന്‍ താന്‍ വരുമല്ലോ...ഓ....താന്‍
4 സിംഹതുല്യമേറി വൈരി ദൈവമക്കളെ
സംഹരിപ്പതിന്നായ് തുനിഞ്ഞു സഞ്ചരിക്കവേ
കാത്തുകൊള്ളും ശ്രേഷ്ഠയിടയന്‍ തന്നജങ്ങളെ
ചേര്‍ത്തുകൊള്ളുവാനിനിയും താന്‍ വരുമല്ലോ...ഓ...താന്‍
5 ക്രിസ്തുവില്‍ മരിച്ച മൃതരുയിര്‍ത്തു വാനിലാം
പാര്‍ത്തലേയന്നുള്ള വൃതരും പുതുശരീരരാം
ഒത്തുചേര്‍ന്നു കര്‍ത്തനെയെതിരേല്‍ക്കുമാദിനം
ഒട്ടുമേയകലമല്ല താന്‍ വരുമല്ലോ....ഓ....താന്‍
Download pdf