Lyrics : V.N.1 എന് ആത്മാവേ! ചിന്തിക്കുക നിന് മണവാളന് വരവെ
നിന് രക്ഷകന് പ്രത്യക്ഷത ഉള്ളില് പ്രത്യാശ ആക്കുകേ
എന്പ്രിയന് മുഖം കാണും ഞാന് തന്കീര്ത്തി നിത്യം പാടുവാന്
2 ധ്വനിക്കുമേ തന് കാഹളം ഉയിര്ക്കും എല്ലാ ശുദ്ധരും
മിന്നിടും മേഘവാഹനം ലക്ഷോലക്ഷങ്ങള് ദൂതരും-
3 ഞാന് ക്രിസ്തന് ക്രൂശിന് രക്തത്താല് തന്മുമ്പില് നിഷ്കളങ്കനായ്
സ്നേഹത്തില് വാഴും കൃപയാല് സര്വ്വവിശുദ്ധന്മാരുമായ്-
4 എനിക്കായ് കണ്ണീര് ഒഴിച്ച തൃക്കണ്ണിന് സ്നേഹശോഭയും
ആണികളാലെ തുളച്ച തൃക്കൈകളെയും കണ്ടിടും-
5 എന്കാന്തനേ! എന്ഹൃദയം നിന്സ്നേഹത്താലെ കാക്കുകേ
പ്രപഞ്ചത്തിന് ആകര്ഷണം എന്നില് നിന്നകറ്റിടുകേ-
6 നിന് സന്നിധാനബോധത്തില് എന് സ്ഥിരവാസം ആക്കുകേ
നിന് വരവിന്റെ തേജസ്സെന് ഉള്ക്കണ്ണിന്മുമ്പില് നിര്ത്തുകേ-
7 ഒരായിരം സംവത്സരം നിന്മുമ്പില് ഒരു ദിനം പോല്
അതാല് എന് ഉള്ളം താമസം എന്നെണ്ണാതെന്നെ കാത്തുകൊള്-
8 നീ ദുഷിച്ചാലും ലോകമേ വൃഥാവിലല്ലെന് ആശ്രയം
നീ ക്രുദ്ധിച്ചാലും സര്പ്പമേ ഞാന് പ്രാപിക്കും തന് വാഗ്ദത്തം
9 തന് പുത്രന് സ്വന്തമാകുവാന് വിളിച്ചെന് ദൈവം കൃപയാല്
വിശ്വസ്തന് താന് തികയ്ക്കുവാന് ഈ വിളിയെ തന് തേജസ്സാല്-
Download pdf