Lyrics : M.E.C.1 എത്ര ശുഭം എത്ര മോഹനം സോദര-
രൊത്തുവസിപ്പതോര്ത്താല് ഹാ! ഹാ!
സീയോന് ഗിരിയതില് പെയ്യുന്ന മഞ്ഞുപോല്
എത്ര മനോഹരമേ ഹാ! ഹാ!-
2 ഏകപിതാവിന്റെ മക്കള് നാം യേശുവില്
ഏകാവകാശികള് നാം ഹാ! ഹാ!
ഏകാത്മസ്നാനത്താല് ഏകശരീരത്തി
ന്നംഗങ്ങളായവര് നാം ഹാ! ഹാ!
3 ക്രിസ്തുവിന് നിസ്തുല സ്നേഹച്ചരടതില്
കോര്ത്തുള്ള മുത്തുകള് നാം ഹാ! ഹാ!
മൃത്യുവോ ജീവനോ ഒന്നുമേ നമ്മെ
വേര്പ്പെടുത്താവതല്ല ഹാ! ഹാ!
4 നാമിവിടിങ്ങനിരിപ്പതു നന്നാ-
ണെങ്കിലും സോദരരേ ഹാ! ഹാ!
താണിറങ്ങി ദൈവസേവ ചെയ്വാനായ്
പോകാം പിരിഞ്ഞിനി നാം ഹാ! ഹാ!-
5 വിട്ടുപിരിയേണ്ട മന്നില് നാം കൂടുമ്പോള്
ഇത്രസന്തോഷമെങ്കില് ഹാ! ഹാ!
വിട്ടുപിരിയാത്ത വീട്ടില് നാം എത്തുമ്പോൾ
എത്രയത്യാനന്ദമേ! ഹാ! ഹാ!-
![](images/PDF.gif)
Download pdf