317. എത്രയും സുന്ദരനായിരമായിരം
എത്രയും സുന്ദരനായിരമായിരം
മര്‍ത്യരിലും മമ നാഥന്‍ - അ അ
അവനുടെ പ്രേമം എനിക്കഭിരാമം
അവിനിലെന്‍ പ്രേമം എനിക്കെന്നും ക്ഷേമം അ ആ
1 ആപാദചൂഡം ആകര്‍ഷണീയമാ-
ണവയവമഖിലവും നൂനം - അ അ അ ആ
ആത്മമണാളന്‍ രൂപലാവണ്യം
ആനന്ദമോര്‍ത്താലര്‍ക്കുമവര്‍ണ്യം-
2 സങ്കടത്തിങ്കല്‍ ശങ്കകൂടാതെയെന്‍
സങ്കേതമാം ജീവനാഥന്‍ - അ അ അ ആ
തന്‍കരം നീട്ടി കണ്ണുനീര്‍ തുടയ്ക്കും
തങ്കമുഖത്താല്‍ ചുംബനം നല്‍കും-
3 എന്നുമെന്നോടുകൂടെ വസിച്ചിടാ-
മെന്നരുളിച്ചെയ്തെന്‍ നാഥന്‍-അ അ അ ആ
അവനുടെ പ്രീതി എന്നുമെന്‍ വിജയം
എന്തിനു ഭീതി താനെനിക്കഭയം-
4 ലോകമഹാന്മാരേവരിലുമവ-
നേകനേ രക്ഷകനോര്‍ത്താല്‍-അ അ അ ആ
ജീവനെ നല്‍കി സ്നേഹിച്ചതവനാ-
ണേവനും മോക്ഷവാതിലുമവനേ-
Download pdf