Lyrics : K.V.Sസങ്കീ. 23
എത്ര നല്ലോരിടയനെന് യേശു നസറേശന്!
നിത്യവുമെന് മുട്ടുകളെ തീര്ത്തിടുന്നോരീശന്!
1 പച്ചമേച്ചില് സ്ഥലങ്ങളില് ഞാന് നടന്നു മേയും
ശാന്തമായ വെള്ളം കുടിച്ചാനന്ദിച്ചു തുള്ളും-
2 ആകുലമശേഷം നീക്കി പ്രാണനെയെന്നാഥന്
ആദരവായ് തണുപ്പിക്കുന്നേശു നസറേശന്-
3 നീതിപാതയറിഞ്ഞു ഞാന് സഞ്ചരിക്കുന്നിപ്പോള്
ഭീതിയില്ല, കൂരിരുളിന് താഴ്വരയില് പോലും-
4 തന്വടിയും കോലുമെന്നെയാശ്വസിപ്പിക്കുന്നു
ശത്രുവിന് മുമ്പെനിക്കവന് മേശയൊരുക്കുന്നു-
5 എന്നുടെ തലയിലെണ്ണ തിങ്ങിയൊഴുകുന്നു
ഞാന് കുടിക്കും പാത്രമോ നിറഞ്ഞു കവിയുന്നു
6 നന്മയും കൃപയുമെന്നെ തേടി വരുമെന്നും
ദൈവഭവനത്തില് വാഴും ദീര്ഘകാലമീ ഞാന്-
![](images/PDF.gif)
Download pdf