Lyrics : M.K.രീതി: അതിരാവിലെ തിരു
1 ആരിതാവരുന്നാരിതാവരുന്നേശു രക്ഷകനല്ലയോ?
പരമോന്നതന് സ്നാനമേല്ക്കുവാന് യോര്ദ്ദാനാറ്റിങ്കല് വരുന്നോ!
2 കണ്ടാലും ലോകത്തിന്റെ പാപത്തെ ചുമക്കും ദൈവകുഞ്ഞാട്
കണ്ടുവോ ഒരു പാപിയെന്നപോല് സ്നാനമേല്ക്കുവാന് പോകുന്നു!
3 ഇല്ലില്ല നിന്നാല് സ്നാനമേല്ക്കുവാനുണ്ടെനിക്കേറ്റമാവശ്യം
വല്ലഭാ! നിന്റെ ചെരിപ്പു ചുമന്നിടുവാനില്ല യോഗ്യത-
4 ആത്മസ്നാനവും അഗ്നി സ്നാനവും നിന്റെ കൈക്കീഴിലല്ലയോ?
എന്തിനു പിന്നെ വെളളത്തില് സ്നാനം എന്റെ കൈക്കീഴിലേല്ക്കുന്നു?
5 സ്നാപകന് ബഹുഭക്തിയോടിവ ചൊന്നതാല് പ്രിയരക്ഷകന്
ഇപ്രകാരം നാം സര്വ്വനീതിയും പൂര്ത്തിയാക്കണമെന്നോതി-
6 ഉടനെ പ്രിയനിറങ്ങി സ്നാനമേറ്റുകൊണ്ടു താന് കയറി
പെട്ടെന്നാത്മാവു വന്നു തന്റെമേല് പ്രാവിനെപ്പോലങ്ങിറങ്ങി-
7 വന്നൊരു ശബ്ദം മേല്നിന്നക്ഷണം എന്റെ പ്രിയകുമാരന് നീ
നിന്നിലെത്രയും പ്രിയമുണ്ടെന്നും സ്വര്ഗ്ഗതാതന് താനരുളി-
8 തുറന്നോര് സ്വര്ഗ്ഗമവിടുണ്ടൊരു പ്രിയതാതനുമതുപോല്
പരിശുദ്ധാവിയതുമെന് പ്രിയനേശു നാഥനും കാണുവിന്-
![](images/PDF.gif)
Download pdf