115. എണ്ണിയാല്‍ തീര്‍ന്നിടുമോ വല്ലഭാ!
രീതി: കണ്ണുനീര്‍ താഴ്വരയില്‍
1 എണ്ണിയാല്‍ തീര്‍ന്നിടുമോ വല്ലഭാ! നിന്‍കൃപകള്‍
വര്‍ണ്ണിപ്പാന്‍ സാദ്ധ്യമല്ല മന്നവാ! നിന്‍വഴികള്‍
എന്നും ഞാന്‍ സ്തുതിച്ചിടും എന്നും ഞാന്‍ പുകഴ്ത്തിടും
നിന്നുടെ കൃപകളെ ഞാന്‍ എന്നെന്നും പാടിടുമേ
2 ഏഴയാമെന്നെയും നീ ആഴമായ് സ്നേഹിച്ചതാല്‍
ഊഴിയില്‍ താണിറങ്ങി ഏഴയെ വീണ്ടെടുത്തു-
3 പാപത്തിന്‍ ചേറ്റില്‍ ഞാനും താപത്താല്‍ വലഞ്ഞ നേരം
വേഗത്തില്‍ വന്നു എന്നെ സ്നേഹത്താല്‍ വീണ്ടെടുത്തു-
4 വിശ്വാസ ജീവിതത്തില്‍ ആശ്വാസദായകനായ്
വിശ്വത്തിലെന്നുമെന്നും കൂടെയിരിക്കുമവന്‍-
5 നിന്‍മുഖം കണ്ടിടുവാന്‍ നിന്നോടു ചേര്‍ന്നിടുവാന്‍
എന്നുളളം കൊതിച്ചിടുന്നേ എന്‍ പ്രിയാ! വന്നിടണേ!
Download pdf