1135. എങ്ങും പുകഴ്ത്തുവിന്‍ സുവിശേഷം
എങ്ങും പുകഴ്ത്തുവിന്‍ സുവിശേഷം
ഹാ! മംഗള ജയ ജയ സന്ദേശം
1 നരഭോജികളെ നരസ്നേഹികളാമുത്തമ സോദരരാക്കും
വിമല മനോഹര സുവിശേഷം- ഹാ!
2 അജ്ഞാനാന്ധതയാകെയകറ്റും വിജ്ഞാനക്കതിര്‍ വീശും
വേദാന്തപ്പൊരുള്‍ സുവിശേഷം- ഹാ!
3 ഭീകര സമരസമാകുലമാകും ഭൂമിയില്‍ ഭീതിയെ നീക്കും
ശാന്തി സന്ദായക സുവിശേഷം- ഹാ!
4 വിമലജനേശുവില്‍ വിശ്വസിച്ചിടുകില്‍ വിടുതലനാമയമരുളും
വിജയധ്വനിയീ സുവിശേഷം- ഹാ!
5 കൃപയാലേതൊരു പാതകനെയും പാവന ശോഭിതനാക്കും
പാപനിവാരണ സുവിശേഷം- ഹാ!
6 നശിക്കും ലൗകിക ജനത്തിനു ഹീനം, നമുക്കോ ദൈവികജ്ഞാനം
കുരിശിന്‍ വചനം സുവിശേഷം- ഹാ!-
Download pdf