49. ദൈവസന്നിധൗ ഞാന് സ്തോത്രം പാടിടും
1 ദൈവസന്നിധൗ ഞാന് സ്തോത്രം പാടിടും
ദൈവം നല്കിയ നന്മകള്ക്കായ്
ദൈവം ഏകി തന് സൂനുവെ പാപിയെനിക്കായ്
ഹല്ലേലുയ്യാ ഗീതം പാടും ഞാന്
പാടിസ്തുതിക്കും ഞാന് പാടി സ്തുതിക്കും
സ്തോത്രഗീതം പാടി സ്തുതിക്കും.
2 അന്ധകാരമെന് അന്തരംഗത്തെ
ബന്ധനം ചെയ്തടിമയാക്കി
ബന്ധുരാഭനാം തന് സ്വന്തപുത്രനാല്
ബന്ധനങ്ങളഴിച്ചുവല്ലോ-
3 ശത്രുവാമെന്നെ പുത്രനാക്കുവാന്
പുത്രനെ കുരിശിലേല്പ്പിച്ചു
പുത്രത്വം നല്കി ഹാ! എത്ര സൗഭാഗ്യം
സ്തോത്രഗീതം പാടി സ്തുതിക്കും-
4 വിളിച്ചു എന്നെ വെളിച്ചമാക്കി
വിളിച്ചവന്നായി ശോഭിപ്പാന്
ഒളി വിതറും നല്തെളിവചനം
എളിയവനെങ്ങും ഘോഷിക്കും-
Download pdf