426. സ്തോത്രം, സ്തോത്രം, സ്തോത്രം പരാ
സ്തോത്രം, സ്തോത്രം, സ്തോത്രം പരാ
സ്തോത്രം സ്തുതി നിനക്കേ സ്തുതിച്ചിടുന്നു
നമിച്ചിടുന്നു പരിശുദ്ധനേ (2)
1 പാപിയാം എന്നെ വീണ്ടെടുപ്പാനായ്
ചൊരിഞ്ഞോ നിന്‍ നിണം എന്‍പേര്‍ക്കായ്
നമിക്കുന്നു സ്തുതിക്കുന്നു തവതിരുപാദേ
അര്‍പ്പിക്കുന്നു നിനക്കു സദാ സ്തോത്രയാഗം-
2 ഇത്രമേല്‍ സ്നേഹിപ്പാന്‍ എന്തു നീ കണ്ടു
നീചനാമെന്നില്‍ യേശു നാഥാ
നന്ദിയും സ്നേഹവും തവതിരുപ്പാദേ
അര്‍പ്പിക്കുന്നു നിനക്കു സദാ സ്തോത്രയാഗം-
3 എടുക്ക നിന്‍കൈകളില്‍ എന്നെയും നാഥാ
നിറയ്ക്ക നിന്‍ പരിശുദ്ധാത്മാവാല്‍
തുറക്ക എന്നധരം നിനക്കായ് നാഥാ
നിറയ്ക്ക നിന്‍വചനം ഘോഷിപ്പാനായ് പ്രഘോഷിപ്പാനായ്-
4 സമര്‍പ്പിക്കുന്നെന്നെ മുറ്റും നിനക്കായ്
ഉപയോഗിക്കെന്നെ നിന്‍ ആയുധമായ്
പോകട്ടെ നിനക്കായ് അടരാടാനായ്
സമര്‍പ്പിക്കുന്നെന്‍ സര്‍വ്വസ്വവും തിരുപ്പാദത്തില്‍-
Download pdf